يابوعلي .. قصة وثلاثة قصائد .. مع الشاعر المعروف : محمد السليس

،،،
،،


.... ياهلا بالجميع .. والله يحييكم .. كما لايخفاكم بما يحدث بالمنتديات الأدبيـــة عبر الشبكة العنكبوتيه ... من فقدان الحقوق .. وسطوا بعض المستشعرين والمشتشعرات على أختلاس النصوص ...
لأطيل عليكم السرد .. والقصة تتمحور في دعوتي لأحد المنتديات الكبرى .. وللأمانة لمــا عرفت إن مالك هذا المنتدى .. من أفراد القبيلــة .. لم أتأخر في تلبيــة الدعوة .. وكانت الصدمة حينما أنتسبت لمنتداه .. بإن نصي
( بعض الحيـــــاء ) ضمن النصوص المميزة لديهم وبإسم مستشعرة ... وقتها لم أتأخر .. في بيان ذلك بقسم الإقتراحات والشكاوي ... حيث من أليـــة ذاك المنتدى عدم التمكن من الرسائل إلاّ بعد مائة مشاركة .. الأكيد إن صاحب المنتدى تجاهل شكواي مع إيماني بعلمه لذلك ... حيث كانت المداخلات من البعض والكثير والذين تارة ٍ يطالبونني بتجاهل الشكوى وأخرى بأفادتي بإحقية طلبي ..
فكتبت الأبيات التاليـــــة ... من باب التشره على صاحب المنتدى وأبن القبيلة ..بعنوان (ياكيف ؟ )


....







.


..... متواضعة ببساطتها .. لاتعتبر إلا مجرد مشاعر إنسانه
حاولت إن تترجم .. لحظة موقف لايعني غيرها،،
قد يكون عثاء بها في يوم ما ,,
فمن باب الرغبة الخاصة جدا ً ..
جعلت منها إن تكون هكذا
وبهذه الشكلية بالذات ,,
لتترك لما بين القوسين ..
معبر ٍ للهروب ..
آملة .. إن لاينشغل بال المتلقي برسالتها ..

سقنا القدم يم الرجال المسماه = اللي لهم قدر ٍ زمى وأحترامي
عرف الرجال أهل الوفاءمانسيناه = ونكرم اللحيه بقدر الحشـــامي
جينا قدر والقدر حــنا عـرفناه = بلســان منطوقه دليل الكلامي
ومن لايوردهـا على كـف يمناه = يقصر رشاه وبارد الوجه ظامي
ومن لايسندها على عزت الجـاه = ماله مكان لياعـتلوا في المقامي
ومن لانقل بالعين مضراب مرماه =يقدم لها اللي يحتمون الجهامي
الصرح شـامخ كيف ينهد مبناه = ياكيف عز البيت يرجـع هدامي
مرحوم ياللي تفعـل الطيب يمناه = عساك يـا(...) جنان الرحـامي

*

.... أختكم / أميرة القـــوافيـــ

*
*


... نعم لقد كتبت .. هذه الأبيات .. بنفس متصفح دعواي .. فكان ضمن من مر ّ عليها
الشـــاعر المعروف : محمد علي السليس ... وتفآجآت برده قائلاً .. لوبحثت عن هذه الأبيات لوجدتها بقوقل لغيرك .. وكما سألني بنفس المداخلـــه عن ماذا تعني مفردة ( الجهامي)
وبحكم بساطتي لم آخذ المؤضوع من باب الحساسية بل رديت عليه بمداخلتي وأجبته بإن مفردة ( الجهامي ) يعني السواد .. والمضمون بتؤظيفي للمفردة من يحتمون الإبل المجاهيم .. كذلك قلت لــه بإمكانك البحث في قوقل عن الأبيات .. مع مداخلتي ببعض الجمل الدالــة على العتاب عليه بإتهامي ..
لأعلم ولكن من المؤكد إنــــه قام بالبحث ولم يجد هذه الأبيات .. وقام بإرسال رسالــة لي ..يعتذر بها .. عن مابدر منه أتجـــــاهي من أتهام .. ومع إنني لم أستطيع المراسلة للسبب الذي ذكرته أعلاه كتبت لـــه الأبيات التــاليــة بعنوان ( يابوعلي ) موضحة ٍ له بعض الشيء .. فشرفني بالرد على ماكتبت لــه .. فلكم هذه المساجلــة آملة إن تنال لوالقليل من الإستحسان ..









.

مع تقديري للشاعرالجزل: محمدبن علي السليس

لقيت عز النفس ماله وزينا = والبعد طب ٍ للقلوب المعاطيب
الطيب يأبن العم ساسه متينا = وساس الهيار يدمر البيت ويعيب
عيب على اللي ينثني مايجينا = ويفرح لياجاء فيّه هرج وتناشيب
اللياصار وجهه قاسياً مايلينا = خله مهف مقيط عنه التجانيب
العوشزه ماقيل فيها لقينا = ولابه ظلال ٍ عن سموم اللواهيب
وأرض الصبخ ماقيل منها روينا = ماها كما الزقوم مرّ المشاريب
أنزين لأهل الطيب واللي يبينا = ولو كثرو الأصحاب ياقل ماتخيب
اللي مشا بالطيب حنا مشينا = ونوفي له المكيال بلياتحاسيب
والرزق عند اللي لمده رجينا = رب ٍ كريم ٍ يعلم السر والغيب
وهاذي ضروف الوقت فيها بلينا = ضروف الزمن صارت علينا تعاجيب
ويابوعلي بصبر وربك يعينا = ولابد ماتفرج بليا مطاليب

*

.... أختكم / أميرة القـــوافيـــ

//////////////////////////////////////


وفيمايلي رد الشاعر : محمد السليس على متواضعتي

هاضتنى حروف ٍ لصافي الجبينا = فيها مطاليب وعليها مواجيب
جتنا وحنا للمجى ما احتسينا =وكم صدفة ٍ خير ٍ من الفين ترتيب
وحنا لياجات اللوازم بدينا = وقمنا مقام ٍ يشبع الطير والذيب
ناقف ونبذل كل مافي يدينا = من غير مشروه ٍ ولوم ٍ وتثريب
اما لــحّق اللى نصانا خذينا = والا قطعنا طاري الشك والريب
نخاف احد ينقد ويشره علينا =من النشاما والبنات الرعابيب
ياما من الدنيا مقالب كلينا = لكنها تحسب علينا تجاريب
وللى كلينا .. ابشرك مانسينا = منها خذينا حسن سيره وتأديب
ياما خذت منا وياما عطينا = وياليتها باللى خذت تقدر تثيب
والناس لو في قربها مارضينا =ملزوم نرضي بالقدر والمكاتيب
لو بالقلوب وماتخفي درينا = ماكان صار ألنا معارف واصاحيب
ياما من ألسنة العباد انكوينــا= وياما شذبونا شاذبين العراقيب
لكن على سلم الاوائل بقينا = ندمح خطا المخطي ونجزاه بالطيب
والله على درب الصواب يهدينا = قدام احدنا يخطى الدرب ويصيب
قمنا نعيب الوقت والعيب فينا = ونعلق الشرهه بروس المراقيب
والصبر مفتاح الفرج فالسنينا = ومن لاصبر مانال طيب ٍ ولاصيب
هذا يا أميره واسلمى واعذرينا = وعسا المطالب وافيات المواجيب

*
*
الشــــاعر المعروف : محمد بن علي السليس ..

*
*
ولكم تحيتي

أختكم في الله . أميرة القوافي

صح لسانك وصح لسان السليس


شموخ وقصه وقصايد رائعه اثريتي بها المجالس لاعدمتك

قريتها جميعها بتمعن واستمتعت فيها بكل امانه

ونعم فيك وفي ربعك

وانتي يابنت الرجال شاعره ولا تحجب الشمس بغربال

اشهر من نار على علم لاعدمتك


دمتي ودام لنا تواصلك الراقي



ابو خااااااااااالد

السلام عليكم ورحمة الله وبركاته
ياهلا ابك اختي اميرة القوافي
صح لسانك ولسان محمد السليس

انتي مبدعه ومحمد مبدع
سجلين حجز ملكي
لى عوده انشالله

ومن لايوردها على كف يمنـاه

يقصر رشاه وبارد الوجه ظامي

كيف حالك يااميره القوافي

انا اعجبتني القصيده الاولى لانها اقوى من المساجله

وخاصه انها قامت على شين مهم وهو البحث عن الحق

قصايد جميله والسارق حتى لو سرقها مايقدر يطلع بها على

الساحه العامه بس يتسلى بها من وراء الجدارن محد درى عنه

صح لسانك ولسان محمد السليس

أميرة القوافي


مميزة بكل حالاتك ومتمييزة في كافة أغراض الشعر

.... صح لسانك ولسان محمد السليس

.... أحترامي

قصه وقصيده رائعه
ومن بعدها صووووووت وصدددددددى راااااااااااااااااائع
صح لسانك اميره وشهادتي فيك مجروحه
وصح لساااااااان الشاعر / محمد بن علي السليس

مودتي وتقدري!

تسلمي شاعرتنا القدير

غايبه بس حاضره بتميزك وابدعاتك

اشتقنا لك كثير

يعطيك العافيه

كل ماقدمتيه للمجالس كان ابداع وبصمه رااائعه منك

اميره القوافي كيف حالك

انا اشيد بما قاله اخي الغالي ابو خالد مبارك الشهراني

وصح لسانك وبيض الله وجهك

تحياتي وتقديري